Sunday, May 22, 2011

I Bialnu kha

1) I kiss ngai loh chuan zei lo a ti che nga; i kiss zin lutuk erawh chuan 'vawikhat phalna i lak i hmang rim lutuk' a ti ang

2) I inchei peih viau chuan lerh a ti che nga, i inchei peih loh erawh chuan thing a ti ang che.

3) Lenchhuah dawna i nghah rei viau chuan 'Hmeichhe dan alawm' a ti ang.

4) Thikthu i tihchhiat viau chuan ngaihzawng tlak lovah a ngai che;nga, thikthu i tihchhiat loh lutuk erawh chuan 'min hmangaih lo anih hi' a ti ang

5) Hmeichhe dangin an melh che chuan a ti tau anga, mipa dangin an melh ve thung erawh chuan 'hmuhnawm an en ve a ni mai lawm' a ti ang.

6) An ina leng lova nula dang i rim anih chuan 'rinawm lo' a ti che nga, an ina i kal zin lutuk erawh chuan a ning ang che.

Wednesday, February 2, 2011

2011 Bial KTP Conference

21 - 23 Jan. 2011 khan E. Lungdar Bial KTP Conf. chu Mualcheng Kohhranah neih a ni a. Thlarau lam thupui atan “Pathian hnaih hi a tha a ni” (Sam 73:28) hmangin Speaker Upa H. Lalchhanhima’n thiam takin a sawi a. Palaiten hlawkthlak kan ti hle.
Palai kal zawng zawng 165 kan ni a, kan branch atangin riak 64 leh lehlanga kal mi engemawzat kan awm bawk.

Rorel thu passed zingah kan branch agenda : KTP Handbook hi Synod Website-ah leh Mobile phone a dah theih turin CKTP in hma la se, Conference Hla Bu-ah hian solo hla sak lar tawh aiin Zaipawl / a huhova sak theih ngaihpawimawh ni se, Bial KTP Chanchinbu Thalai Eng tih tawp ni se tih te passed a ni.

Kum 2012 Biak KTP Conference Venghlun Kohhranah nghah a ni a. Thupui atan ‘Lal Isua alo kal leh dawn’ (I Thes.4:6) thlan a ni.

Bial Secretary report-a kan Bial dinhmun :
Branch awm zat - 6 (Lungdar, Mualcheng,Leng, Sailulak, Venghlun & Vengthar)
KTP Member - 1229 (mipa 845 leh hmeichhia 384)
Inkhawm % - 23.31
Innei - 39 (Biak In - 17, hmun dang - 21)
Missionary chawm zat - 14 1/2
Branch sum hmuh total - Rs.7,33,088/-


2011 Bial KTP Hruaitute
Leader : Pu Joseph Lalhmangaihzuala (Venghlun)
Asst. Leader : Pu Zonunsanga (Sailulak)
Secretary : Pu P.C. Lalremtluanga (Leng)
Ass. Secy : Tv. B. Lalthawmmawia (E. Lungdar)
Treasurer : Tv. Zaithanmawia (Vengthar)
Fin. Secy : Tv. Lalramtiama (Mualcheng)

Total Pageviews