1) KRISTIAN HMASA BER
Kum 1912-ah Champhai khuaa mi Pu Liansata leh Tlanghauhva Hmunhmeltha-a mi ten Pathian thu an rawn sawi a. Hemi hma hian Mizo Kristian hmasa ber Khuma leh Duma pawh an lo kal tawh a. Kum 1912 September-ah chuan Pu Thangtea leh Pu Rokhuaia te chuan hming pein Pathian thu an awi ta a. Anni hi E.Lungdar khua atanga Baptisma chang hmasa berte an ni.
Abhor Run (Kum 1913)-a Lungdar atanga kal te
Pu Taikunga te, Pu Thanghnuna, Pu Chhuna (Duta) te, Pu Khuangkunga te, Pu Selluaia te, Thangvunga te, Pu Lianngaia (Liansata- pa). He mi tuma kal ve Pu Khuangkunga chuan a chhungte hnena a lehkhathawn-ah chuan, “Kan awmna lai chu hmar chhak hawi khan han en ula, siruk hnuai chiah vel kha a ni e,” tiin a sawi. Hla a ti awm hle a ni.
Indopui I-na a kal te :
1. Thatthanga (Vankhuma-pa)
2. Hrangbuka (Pahnuna-pa)
3. Thangreia (Kawlkhuma-pa)
4. Lamputa (Khuanglawma-pa)
5. Lingkila (Lalinmawii-pa)
6. Dochhunga
7. Hrangdailova (Vanlala-pa)
8. Tiltuta (Kaphranga-pa)
VC Hmasa ber te
Lungdar V.C.-a mi 15 an thlante chu :-
President - Pu Zuliana (Hungliana pa)
Vice President - Pu Biakthanga
Members - Pu Lalchuana (He blog siamtu pu)
Pu Thangirha (Dengmawii-pa)
Pu Biakthanga (Zahminga-pa)
Pu Taia (Thanghlira-pa)
Nominated Seat-ah - Pu Biakmawia
Pu Kawlkara
Zirna In ni lo Sawrkar Department awm hmasa ber
Branch Post Office (B.P.O) 1956 November ni 8-ah hawn a ni.
Middle School leh High School Din kum
Kum 1962-ah Lungdarah Middle School din a ni a. Head Master-ah Pu Hranghleia Hlawndo ruat a ni a. Kum 1963 February thla hian Lungdar High School din a ni a. Chhingchhip khaw mi Chalhmingthanga B.Sc. chu a hawngtu niin Head Master-ah hman a ni.
Note : Rambuai vangin High School hi chhunzawm theih a ni ta lova, buai zualpui a reh hnu kum 1970-ah din that leh a ni
kum 1969-ah Lungdar chu Pastor thuthmun atan Synod lamin a ruat nghet. A hma lam hian Mualcheng Pastor Bial tih thin a ni.
Khaw Kan
Kum 1966 leh 1973 khan kangmei rapthlak tak vangin mi tam takin an in leh lo an chan a. Khaw kan hnu hian khawchhung plan mumal taka siam niin Mizoram khua-ah chuan khawhmun rem leh plan mumal ber zinga mi a ni ta.
Mizoram Pum Huap Inkhawmpui Lian Dawn Tawh Te:
KTP Gen Conf = 1995 leh 2006
YMA Gen Conf = 1997
Presbyterian Kohhran hmeichhia = 1990
PYD (UPC) = 1992
Blog thlawh manhla tak anih hi....! fakawm khawp mai mahse village Council President hmasaber- Pu Zirliana (Hungliana pa) tih khi ZULIANA tih zawk tur ani in ka hriat.... :bravo...
ReplyDeleteA bengvarthlak hle mai.
ReplyDelete@Joseph, nih hi. Siamtha nghal e, thanks!!
ReplyDeleteSisen, i ti tha e, a bengvarthlak khawp mai!
ReplyDeleteMizo Kristian hmasa ber Khuma leh Duma...tih a Duma, Mission Veng khi ka pu pa (Great Grandfather)a nia...ani hi Pu Khuma te hnu deuh a baptisma chang a nia. Mahse, Pu Khuma nen hian Kraw Sipai-ah inpein an inkawp ta chawt a. Inlumah pawh awm hman mang lovin Pathian thu hrilin an vak vel thin a, an inpekna kha Pu Zosaphluia te pawh khan ropui an ti thin hle niin an sawi...ka chhuang takzet thin a ni.
ReplyDelete